Maqedonci, nderohet nga Ushtria e SHBA-së

January 30, 2026 User2

Ministri në detyrë i Mbrojtjes së Republikës së Kosovës, Ejup Maqedonci, është futur në International Hall of Fame të U.S. Army Command and General Staff College në Fort Leavenworth, Kansas, në një ceremoni të mbajtur më 15 janar 2026, njofton faqja zyrtare e ushtrisë amerikane (US Army) army.mil.

Lexo më shumë Eurodeputetja Strolenberg përgënjeshtron Ramën: Nuk ju ndalohet hyrja në BE!

Sipas njoftimit Maqedonci është i pari student ndërkombëtar nga Kosova dhe i pari nga klasa e tij e diplomimit (2013) që arrin këtë nderim.

Maqedonci u përzgjodh për rolin e tij të shquar udhëheqës ushtarak dhe shërbimin 15-vjeçar në Forcën e Sigurisë së Kosovës, përfshirë edhe kontribuimet në ushtrime ndërkombëtare si Defender Europe 21 dhe 23.

Në fjalimin e tij, ai ka theksuar se mësimet e marra në këtë kolegj ushtarak kanë ndikuar thellë në karrierën dhe mënyrën e tij të udhëheqjes, duke e quajtur arsimin amerikan një model për zhvillimin profesional dhe profesionalizimin e ushtrisë së Kosovës.

Lexo më shumë “Autokratët injorantë, propagandë për të mbrojtur vjedhjen në grup”/ Artan Fuga ironizon krahasimin e protestave në Shqipëri me ato në Evropë: Si Enveri që barazonte Gradishtën me Parisin!

Rruga Press