“Larg duart nga parku”/Lëvizja Bashkë njofton protestë kundër kullës 64 kate

“Lëvizja Bashkë”, e drejtuar nga Arlind Qori do të organizojë protestë ditën e sotme kundër ndërtimit të kullës 64 kate prapa Teatrit Kombëtar të Operës dhe Baletit.

Përmes një postimi në rrjetet sociale “Lëvizja Bashkë”, njofton se protesta do të zhvillohet pasditen e sotme në orën 18:30.

“Qyteti ynë po vdes pak e nga pak, me çdo hapësirë publike që zihet, me çdo park që shkatërrohet, me çdo ujdi të errët që materializohet. Pas parkut të fundit e kanë radhën të tjera hapësira të jetës urbane, siç mburren me vetëbesimin e kriminelëve të papendueshëm Edi Rama dhe Erion Veliaj,”-shkruhet në postim.

Postimi i plotë:

LARG DUART NGA PARKU YNË!

Çka po ndodh në qendër të Tiranës është një krim i vërtetë kundër qytetit. Një krim i financuar me para të pista dhe i mbrojtur publikisht nga pushtetarë të korruptuar.

Qyteti ynë po vdes pak e nga pak, me çdo hapësirë publike që zihet, me çdo park që shkatërrohet, me çdo ujdi të errët që materializohet. Pas parkut të fundit e kanë radhën të tjera hapësira të jetës urbane, siç mburren me vetëbesimin e kriminelëve të papendueshëm Edi Rama dhe Erion Veliaj.

Në këto kushte, detyra jonë si qytetarë është të ngremë zërin.

Ditën e hënë në orën 18:30 Lëvizja BASHKË u bën sërish thirrje qytetarëve të Tiranës për të dalë në protestë.

Bashkë për një qytet të jetueshëm!

Rruga Press