“Kuvendi në Prishtinë”: Kur Lista Serbe flet si Beogradi dhe opozita hesht

Shkran Gent Amzai

Sikur LDK-ja të ishte parti e ndërgjegjes institucionale dhe PDK-AAK-ja parti të ndërgjegjes çlirimtare, jo vetëm që nuk do të përpiqeshin t’ia dhurojnë Listës Serbe nënkryetarin e Kuvendit, por do bënin thirrje që t’i ndalohej pjesëmarrja në zgjedhjet e Kosovës, të cilën ajo nuk e njeh e përpiqet ta minojë me çdo mjet.

Lista Serbe e quajti sot Kuvendin e Republikës së Kosovës me emërtim të zbrazur nga ngarkesa politike: “Kuvendi në Prishtinë”. Kjo ngaqë të dërguarit e Radoiçiqit në Kuvend konsiderojnë se Kosova është njësi administrative përbrenda njësisë politike të Serbisë.

Radhitja me objektivat e Listës Serbe i jep institucionalizmit të LDK-së burim jugosllav, ndërsa përfytyrimin çlirimtar të PDK-AAK-së e bën të krahasueshëm me atë të diskursit serb: çlirim të Kosovën, jo prej bandave të Vuçiqit, por prej Albin Kurtit.

Ose opozita e Kosovës do ta tejkalojë këtë krizë të rëndë të ndërgjegjes së vet ose Kosova do t’i tejkalojë ata përfundimisht.

Rruga Press