Kurti prezanton sloganin e fushatës: “Nuk lëshojmë pe për një Kosovë më të drejtë dhe më të sigurt”

Kryeministri i Kosovës, Albin Kurti, ka prezantuar mesazhin dhe sloganin e tij për fushatën politike, duke theksuar se qeveria që ai udhëheq nuk do të heqë dorë nga punët e mira dhe nga shërbimi ndaj së mirës së përbashkët.

Në një deklarim publik, Kurti u shpreh se përpjekjet për ndërtimin e një Republike më të mirë, më të sigurt, më të drejtë dhe më të zhvilluar do të vazhdojnë pa kompromis. Ai theksoi se synimi i qeverisjes së tij është një Kosovë më e begatë, ku përfitimet dhe zhvillimi të jenë për të gjithë qytetarët, pa dallim.

Sipas Kurtit, angazhimi për drejtësi, siguri dhe zhvillim është një proces i përbashkët, duke ftuar qytetarët që të mos “lëshojnë pe” në rrugën drejt forcimit të shtetit dhe përmirësimit të mirëqenies shoqërore.

Mesazhi i tij vjen në kuadër të përgatitjeve për fushatën politike, ku fokusi kryesor mbetet vazhdimi i reformave dhe konsolidimi i institucioneve demokratike në vend.

Rruga Press