Kurti: Kosova ka treguar vullnet për t’u angazhuar në dialog parimor

August 26, 2022 user 1

Kryeministri i Kosovës, Albin Kurti, ka pritur në takim ambasadorët dhe përfaqësuesit e misioneve në Kosovë të shteteve anëtare të NATO-s, BE-s, si dhe ata të Japonisë e Zvicrës.

Kurti në takim bisedoi lidhur me takimin në Bruksel më 18 gusht që pati me presidentin e Serbisë, Aleksandar Vuçiq në kuadër të dialogut Kosovë – Serbi. Kurti tha se Kosova ka treguar vullnet e gatishmëri për t’u angazhuar në dialog parimor.

Lexo më shumë Murati: LDK ka bërë manipulim të votave me postë në shkallë industriale, deri më tani nuk kemi parë ndonjë veprim nga prokuroria

“Kryeministri Kurti ritheksoi se Republika e Kosovës ka treguar vullnet dhe gatishmëri për t’u angazhuar në një dialog parimor dhe të përgatitur mirë, drejt një marrëveshjeje që në qendër ka njohjen reciproke. Ai prezantoi elementet e gjashtë kapitujve të Kornizës së Përgjithshme të marrëveshjes së ardhshme me Serbinë, për normalizim të plotë të marrëdhënieve me njohje reciproke në qendër. Në këtë takim, që pason atë të djeshmin me përfaqësuesit e Bashkimit Evropian dhe të shteteve të QUINT-it, u bisedua edhe për proceset e çështjet lidhur me dialogun ndërmjet Republikës së Kosovës dhe Serbisë”, thuhet nga Zyra e Kryeministrit.

Lexo më shumë Serbia vazhdon të shkel marrëveshjet e ndërkombëtarët heshtin, Brnabiç: Kërkesa e Kosovës për t’u bërë mysafire speciale, jashtë agjendës së Komitetit Politik të KiE-së

Rruga Press