Kurti do të takohet me Borrellin e Lajçakun në Bratislavë
Kryeministri i Kosovës, Albin Kurti, do të takohet të mërkurën me përfaqësuesin e Lartë të Bashkimit Evropian, Josep Borrell, dhe emisarin e BE-së, Miroslav Lajçak, në Bratislavë.
Kurti ka udhëtuar drejt kryeqytetit sllovak gjatë ditës së sotme për të marrë pjesë në ditën e fundit të Forumit “Globsec 2023”.
Kreu i ekzekutivit do të takohet me Borrellin dhe Lajçakun, pas tensioneve në veri që nisën të premten, ditën kur kryetarët shqiptarë ia mësyn objekteve komunale në komunat veriore.
Lexo më shumë Kongresistët amerikanë pas Preshevës, vijnë në Kosovë, Prattipati i pret në Bondsteel
Përveç takimit me zyrtarët e BE-së, Kurti do të marrë pjesë në disa panele të diskutimit.
“Qëndrimi i tij do të jetë njëditor. Brenda ditës do të jetë në Kosovë”, ka njoftuar Zyra e Kryeministrit.
Rruga Press