Kurti – Borrellit e Lajçakut: Do të kisha mirëkuptim nëse protestat do të ishin paqësore

May 31, 2023 user 1

Kryeministri i Kosovës, Albin Kurti në Forumin “Globsec 2023” në Bratisllavë, ka folur për situatën në veri të Kosovës.

Kurti ka thënë se ka biseduar sot me Përfaqësuesin e lartë të BE-së për Politikë të Jashtme, Josep Borrell dhe me emisarin për dialogun Kosovë – Serbi, Miroslav Lajçak. Ai ka thënë se u ka bërë atyre të qartë se “do të kishte pasur mirëkuptim nëse protesta e serbëve në veri do të ishte paqësore”.

Lexo më shumë Gjykata e Hagës shpall në kërkim ndërkombëtar Netanyahun

“Duhet të jenë kryetarët në objekte të komunave. Nuk është mandat katërvjeçar i tyre, është vetëm dy, por nuk është e thënë të jetë as aq. Kam biseduar me përfaqësuesin e lartë Borrell dhe me emisarin Miroslav Lajçak, u thashë se po që se protestat do të ishin paqësore do të kisha mirëkuptim. Por, jo me banditë që shkruajnë shkronjën ‘Z’ e që bërtasin në gjuhën serbe ‘vrit, vrit’. Nuk ua dorëzojmë Republikën demokratike këtyre banditëve fashitë. Nëse duan protesta paqësore, atëherë kanë një kryeministër që ka qenë gjithë jetën aktivistë politikë, jam i gatshëm t’i dëgjojë e të pajtohem me ta ndoshta’ “, ka thënë Kurti.

Lexo më shumë Murati: Gjithsej 3.6 miliardë euro do të jenë në dispozicion për mbështetje të punëtorëve, familjeve, bizneseve, e sektorëve të tjerë strategjikë

Rruga Press