Kryeministri shqiptar me kravatë serbe/ Ali Ahmeti e Talat Xhaferi vishen nga brendi luksoz serb që klient ka edhe Putinin
Dita e djeshme, bashkë me kryeministrin teknik në RMV, Talat Xhaferin, solli edhe një fushatë të supër organizuar marketingu me prezencën e propaganduesve më të fuqishëm në ditet e sotme në territoret shqipfolëse për politikanët e korruptuar dhe oligarkët.
Të pranishëm në kuvend ishin Baton Haxhiu, Berat Buzhala, Adriatik Kelmendi e Blendi Fevziu, misioni special i të cilëve ishte pompimi në çdo lloj mediumi (emisione televizive, portale e rrjete sociale) zgjedhjen e Xhaferit si sukses politik i padrinos së korrupsionit ndër shqiptar në RMV, Ali Ahmetit.
Talat Xhaferi u votua me 65 vota pro dhe asnjë kundër si kryeministri i qeverisë teknike në Maqedoninë e Veriut. Ndërkohë një detaj që tërhoqi vëmendjen në paraqitjen e Ali Ahmetit dhe Talat Xhaferit ishte kravata, në të cilën shihej se ishte qendisur shkrimi “Kryeministri shqiptar 28 janar 2024”.
Përveç shkrimit një tjetër detaj që ka tërhequr vëmendjen ishte dhe firma që ka prodhuar kravatën, “Marushka”. Brendi “Marushka” është një prodhues serb i mallrave luksoze, që prodhon aksesorë mëndafshi. Ky brend është renditur vazhdimisht si marka më e vlefshme serbe, ku krenaria e tyre është klienti special Vladimir Putin.
Promovuesi i shquar i oligarkut famëkeq Samir Mane, Blendi Fevziu, në ekzaltim e sipër, harroi ta fshehë këtë detaj të rëndësishëm që shpreh simpatinë e Ali Ahmetit e Talat Xhaferit për produket e luksit, e për më tepër ato serbe.
Më i kujdesshëm është treguar çiraku i Shkëlqim e Blerim Devollit, Adriatik Këlmendi teksa ka bërë maksimumin ta mbulojë etikëtën e firmës serbe.
Ndokush ndoshta mund të ngrejë dhe dyshimin që sugjerimin e porosinë e kravatës e ka bëra Baton Haxhiu, por jo ne.
Rruga Press