Kryeministri Kurti merr pjesë në Forumin e Bratisllavës

Kryeministri i Kosovës, Albin Kurti do të marrë pjesë në Forumin e Bratisllavës GLOBSEC 2022, në Sllovaki.

Në komunikatën për media të Zyrës së Kryeministrit, Kurti krahas pjesëmarrjes në panelin e diskutimit “Tani ose kurrë – Duke zhbllokuar të ardhmen evropiane për Ballkanin Perëndimor”, do të zhvillojë takime edhe me liderë të vendeve të tjera, pjesëmarrës në këtë forum.

Në këtë forum do të marrë pjesë edhe presidenti i Serbisë, Aleksandar Vuçiq.

Mediumi online serb B92, ka raportuar se Vuçiq do ta zgjas qëndrimin atje deri më 4 qershor dhe do të takohet edhe me disa personalitete të ndryshme.

Sipas raportimeve, Vuçiq do të ketë takime edhe me të dërguarin special të BE-së për dialogun Kosovë – Serbi, Miroslav Lajçak dhe raportuesin e Parlamentit Evropian për Serbinë, Vladimir Bilçiq.

Fokusi i Forumit “GLOBSEC 2022”, i cili po mbahet në kryeqytetin sllovak është mobilizimi, mbështetja dhe veprimet për Ukrainën dhe fqinjësinë evropiane, përfshirë edhe Ballkanin Perëndimor.

Rruga Press