Kryediplomati italian: Sulmi i Banjskës është akt shumë serioz
Kryediplomati italian: Sulmi i Banjskës është akt shumë serioz, dialogoni që sulme të tilla të mos përsëriten
Në një intervistë për gazetën italiane “Messaggero Veneto”, ai ka thënë se sulme të tilla nuk duhet të përsëriten dhe se procesi i dialogut mes Kosovës dhe Serbisë në Bruksel duhet të vazhdojë.
“Sulmi ndaj Banjskës është një akt shumë serioz që Italia e ka dënuar në termat më të ashpër të mundshëm dhe që nuk duhet të përsëritet. Tani prioritet është rinisja e procesit politik për të shmangur tensionet apo incidentet e mëtejshme”.
“Ky ishte mesazhi kryesor që së bashku me BE-në, Gjermaninë, Francën dhe Shtetet e Bashkuara, sollëm në Beograd dhe Prishtinë më 21 tetor. Italia do të vazhdojë të bëjë pjesën e saj për të siguruar që dialogu të vazhdojë në mënyrë konstruktive dhe që përplasjet e mëtejshme të parandalohen falë punës së misionit NATO-KFOR, ku vendi ynë është një nga kontribuuesit kryesorë”, ka thënë ministri Tajani.