Kryebashkiaku e krahason bllokadën e Mariupolit me rrethimin nazist

Kryebashkiaku i Mariupolit thotë se trupat ruse që kanë rrethuar qytetin jugor kanë krijuar një situatë të ngjashme me rrethimin vdekjeprurës nazist të Shën Petersburgut (ish Leningrad) në Luftën e Dytë Botërore.

“Ata po përpiqen të krijojnë një bllokadë këtu, ashtu si në Leningrad”, tha Vadym Boichenko.

Kryebashkiaku i qytetit tha se trupat ruse i kanë ndërprerë qytetit energjinë elektrike, ushqimin, ujin dhe ngrohjen.

Ai tha se “nuk mund të gjenin një mënyrë për të na thyer. Kështu që tani po përpiqen të na pengojnë të riparojmë furnizimin me energji elektrike, ujë dhe ngrohje”.

Forcat ruse shkatërruan një hekurudhë në mënyrë që të mos mund të evakuojnë civilët, shton ai.

Temperaturat parashikohet të zbresin deri në -2C (28 Fahrenheit) këtë fundjavë në Mariupol.

Rruga Press