Kosova ia kërkon njohjen shtetit që para dy ditësh tha se s’ndryshon qëndrim
Presidentja Vjosa Osmani, kryeministri Albin Kurti dhe ministrja e Jashtme, Donika Gërvalla, janë takuar me kryeministrin grek Kyriakos Mitsotakis, të cilin i kërkuan edhe një herë njohjen e Kosovës.
Takimin mes tyre e ka njoftuar kryeministri Kurti përmes një shkrimi në Twitter..
“Greqia është një faktor shumë i rëndësishëm për rajonin tonë, NATO-n dhe BE-në. Me presidenten Osmani, ministren Gërvalla takova kryeministrin grek Kyriakos Mitsotakis. Ne ndajmë vlera, synime dhe interesa të përbashkëta ekonomike dhe ritheksuam nevojën për njohjen e pavarësisë së Kosovës”, shkroi ai në Twitter.
Kryeministri Mitsotakis dy ditë më parë zhvilloi një takim me presidentin e Serbisë, Aleksander Vuçiq, në Beograd, nga ku përsëriti se Greqia nuk do ta ndryshojë qëndrimin sa i përket njohjes së Kosovës.
Greece is a very important factor for our region, NATO & the EU.
— Albin Kurti (@albinkurti) February 18, 2022
W/ Pres. @VjosaOsmaniPRKS, MFA @gervallaschwarz I met Greek PM, Kyriakos Mitsotakis. We share common values, goals and economic interests and reiterated the need for recognition of Kosova’s independence.
#MSC2022 pic.twitter.com/EYoAZpxFjK
Rruga Press