Konjufca takon ambasadorin Szunyog, diskutojnë për harmonizimin e ligjeve

Kryetari i Kuvendit të Kosovës, Glauk Konjufca ka pritur në takim ambasadorin e Zyrës së BE-së në Kosovë, Tomáš Szunyog, me të cilin biseduan për bashkëpunimin mes Kosovës dhe Bashkimit Evropian, në kuadër të perspektivës evropiane.

Konjufca dhe ambasadori Szunyog u pajtuan për rëndësinë e përkushtimit ndaj stabilitetit rajonal, zhvillimit ekonomik dhe sundimit të ligjit, në kuadër të ecjes në drejtim të aspiratave eurointegruese të Republikës së Kosovës.

Kreu i Kuvendit u shpreh se angazhimi parlamentar sa i përket miratimit të ligjeve dhe harmonizimi i tyre me BE-në është gjithnjë në fokus, duke përmendur gatishmërinë institucionale për konsultime sa më të shpeshta për rezultate sa më të mira.

Ambasadori Tomáš Szunyog e falënderoi kryetarin Konjufca për pritjen, duke shprehur gatishmërinë e mëtutjeshme për bashkëpunim të gjithanshëm, sipas nevojave të përmbushjes së synimeve të përbashkëta, njofton Zyra për Informim e Kuvendit.

Rruga Press