Kapen armë, municion dhe uniforma ushtarake në veri, dyshohet se lidhen me sulmin në Banjskë
Policia e Kosovës ka gjetur granata, armatim, municion dhe uniformë ushtarake në rrugën “Kralj Petri” në Zveçan.
Autoritetet njoftuan të martën se kanë pranuar informatë, e gjatë kontrollit kanë gjetur 4 granata M75, dy pushkë automatike, 6 karikatorë me municion të kallashnikovit, qindra fishekë, antiplumb, pantallona, xhaketa ushtarake, jelekë taktikë, gaz maska, çanta krahu ushtarake, 5 rripa ushtarakë dhe një bluzë të zezë.
Policia tha se ky rast dyshohet se lidhet me sulmin serb në Banjskë, më 24 shtator 2023.
Rruga Press