Ish-ministri kroat i Mbrojtjes: Vuçiqi do të sulmonte Kosovën nëse Ukraina do ishte mundur brenda një muaji nga Rusia

April 14, 2026 User2

Ish-Ministri kroat i Mbrojtjes, Ante Kotromanović, është shprehur se në rast se Rusia do të kishte mundur Ukrainën për një muaj, atëherë do të hapej rruga e një sulmi serb ndaj Kosovës.

“Unë besoj se Vuçiç do të kishte sulmuar Kosovën me forcat e tij dhe disa rusë, nëse Rusia do ta kishte mundur Ukrainën brenda një muaji. Kush do ta kishte ndaluar atëherë?”, deklaroi Kotromanović.

Lexo më shumë Shqipëria “pa busull” përballë plakjes së popullsisë, mungojnë të dhënat dhe projeksionet

Lufta në Ukrainë nisi zyrtarisht kur forcat ruse nisën sulmet dhe marshimin e tyre në 24 shkurt të vitit 2022 ndaj vendit fqinj. Ukraina më pas kërkoi dhe mori mbështetje logjistike, financiare dhe të tjera nga shtetet e BE-së dhe SHBA-të.

“Kroacia është anëtare e NATO-s dhe ka detyrime. Nuk përbën në asnjë mënyrë kërcënim, as nuk do të bashkonim forcat dhe do të sulmonim Serbinë. Kjo është një absurditet famëkeq”, tha ai.

Lexo më shumë Rënia e regjimeve autoritare nis nga humbja e Viktor Orbanit në Hungari

Rruga Press