Inteligjenca britanike thotë se shumica e forcave ruse kanë ngecur në vend

Ministria e Mbrojtjes e Britanisë së Madhe ka thënë të martën se trupat ukrainase kanë vazhduar “të zmbrapsin përpjekjet ruse për të pushtuar qytetin jugor të Mariupolit”.

Qyteti është përballur me bombardime të pamëshirshme që nga shpërthimi i luftës më 24 shkurt, me objekte banimi, shkolla dhe spitale në shënjestër.

Ministria e Mbrojtjes ka thënë po ashtu se shumica e forcave ruse kanë ngecur në vend.

“Disa qytete të Ukrainës vazhdojnë të vuajnë nga bombardimet e rënda ajrore dhe artileria ruse, me OKB-në që raporton se më shumë se 10 milionë ukrainas tani janë të zhvendosur brenda vendit si rezultat i pushtimit të Rusisë”, thuhet në përditësimin e fundit të Inteligjencës britanike.

Rruga Press