Incineratori që “sharroi” buxhetet, SPAK asnjë veprim për procedurat e dyshimta me plehrat në Sharrë

Incineratori i Tiranës, është projekti që ka përfituar më shumë fonde nga buxheti i shtetit dhe ai i bashkisë së Tiranës, i cili në përfundim të tij do t’u kushtojë kryeqytetasve plot 430 milionë euro.

Landifilli i Sharrës jo vetëm që ka përfituar më shumë nga fondet e buxhetit të shtetit, por çdo ditë e më shumë po zgjerohet.

Koncensioni për incineratorin e Tiranës është ai që ka përfituar më shumë nga fondet e buxhetit të shtetit të cilave u janë bashkuar edhe ato të bashkisë Tiranë.

Kontrata koncensionare faturon 29 euro për çdo ton mbetjesh urbane dhe detyron bashkinë Tiranë që të depozitojë minimalisht 550 ton plehra në ditë në sharrë, kosto kjo që i garanton kompanisë 5.8 milion euro në vit dhe i jep asaj mundësi që të fitoj trefish më shumë.

Ndërkohë nga buxheti i shtetit vetëm në vitin 2020 janë paguar rreth 20 milionë euro për tre incineratorët atë të Fierit, Elbasanit dhe Tiranës.

Referuar statistikave të KLSH-së, vetëm incineratori i Tiranës do t’u kushtojë shqiptarëve 430 milionë euro.

Deri më tani për aferën e incineratorëve kemi të arrestuar vetëm ish-ministrin e Mjedisit Lefter Koka, ndërsa për incineratorin e Tiranës edhe pse janë ndjekur të njëjtat procedura nuk ka asnjë veprim nga ana e SPAK./ora/

Rruga Press