Inceneratori përpin tokat, 20 mln euro për landfille, banorët: S’ka projekt

Landifilli i Sharrës jo vetëm që ka përfituar më shumë nga fondet e buxhetit të shtetit, por çdo ditë e më shumë po zgjerohet. Shqetësuese është që thirrjes së banorëve për të pasur një projekt në dorë nuk po i përgjigjet askush nga institucionet pëgjegjëse.

Çështja e incineratorëve është kthyer në një prej temave më të nxehta të aktualitetit politik.

Koncensioni për incineratorin e Tiranës është ai që ka përfituar më shumë nga fondet e buxhetit të shtetit, të cilave u janë bashkuar edhe ato të bashkisë Tiranë.

Kontrata koncensionare faturon 29 euro për çdo ton mbetje urbane dhe detyron bashkinë Tiranë që të depozitojë minimalisht 550 ton plehra në ditë në Sharrë, kosto kjo që i garanton kompanisë 5.8 milion euro në vit dhe i jep asaj mundësi që të fitojë trefish më shumë.

Ndërkohë nga buxheti i shtetit vetëm në vitin 2020 janë paguar rreth 20 milionë euro për tre incineratorët, atë të Fierit, Elbasanit dhe Tiranës.

Referuar statistikave të KLSH-së, vetëm incineratori i Tiranës do tu kushtojë shqiptarëve 430 milonë euro.

Por zgjerimi i landfillit sa vjen dhe rritet duke frikësuar banorët se nga zgjerimi do të preken dhe shtëpitë e tyre.

Banorët shpesh janë ngritur në protesta, madje kanë kërkuar dhe projektin e zgjerimit, por askush nga institucionet përgjegjëse nuk është shqetësuar për kërkesat e tyre./ora/

RrugaPress