Gati stërvitja me raketa hipersonike. Rusia bashkon fuqinë me Kinën dhe Afrikën e Jugut

Rusia do të marrë pjesë në një stërvitje të përbashkët detare me Kinën dhe Afrikën e Jugut, e cila pritet të ketë një lëshim provë të një rakete hipersonike.

Një fregatë e armatosur me armën Zirkon është vendosur për 10 ditë stërvitje të përbashkëta në Oqeanin Indian, që do të përkojë me përvjetorin e parë të pushtimit të Ukrainës më 24 shkurt.

Anija u ankorua në Cape Town fundjavën e kaluar, e zbukuruar me shkronjat Z dhe V, simbolet famëkeqe që forcat e Moskës kanë përdorur për të promovuar pushtimin në Ukrainë.

Në fillim të këtij muaji, agjencia ruse e lajmeve TASS raportoi se stërvitjet do të përfshijnë një nisje stërvitore të Zirkonit, megjithëse Forcat e Mbrojtjes Kombëtare të Afrikës së Jugut e kanë mohuar këtë.

Rruga Press