Ftesë speciale dhe takime kyçe – Ministri Ejup Maqedonci merr pjesë në SAHA EXPO 2026 në Turqi

Ministri i Mbrojtjes, Ejup Maqedonci, po merr pjesë në SAHA EXPO 2026, në Republikën e Turqisë, një nga platformat më të rëndësishme ndërkombëtare në fushën e industrisë së mbrojtjes dhe teknologjisë.

Pjesëmarrja e ministrit në këtë ngjarje të rëndësishme është realizuar me ftesë zyrtare nga Haluk Bayraktar, duke reflektuar nivelin e lartë të bashkëpunimit dhe besimit të ndërsjellë ndërmjet palëve, si dhe përkushtimin për thellimin e mëtejmë të marrëdhënieve në sektorin e mbrojtjes.

Në kuadër të kësaj vizite, ministri Maqedonci do të zhvillojë takime me përfaqësues të lartë institucionalë dhe drejtues të kompanive ndërkombëtare, me qëllim forcimin e bashkëpunimit bilateral dhe multilateral, si dhe identifikimin e mundësive konkrete për partneritet në fushën e mbrojtjes.

SAHA EXPO 2026 shërben si një platformë kyçe për avancimin e bashkëpunimit strategjik, duke kontribuuar në adresimin e sfidave të përbashkëta të sigurisë.

Rruga Press