Bota

Franca dhe Gjermania kërkojnë kompetenca të reja për BE-në për të mbrojtur tregun evropian nga Kina

Franca dhe Gjermania i kanë kërkuar Komisionit Evropian të marrë kompetenca të reja për të mbrojtur tregun e Bashkimit Evropian nga shtrembërimet ekonomike dhe presioni në rritje nga Kina.

Në një letër drejtuar presidentes së Komisionit Evropian, Ursula von der Leyen, presidenti francez Emmanuel Macron dhe kancelari gjerman Friedrich Merz propozojnë kufizimin e qasjes në tregun evropian, diversifikimin e zinxhirëve të furnizimit dhe përgatitjen e kundërmasave ndaj vendeve të treta.

Parisi dhe Berlini paralajmërojnë se industria evropiane po përballet me një “goditje masive industriale”, veçanërisht në sektorët e automjeteve, farmaceutikës, makinerive, hapësirës ajrore dhe industrisë kimike.

Lexo më shumë  Gjermania njofton paketën e re të ndihmës për mbrojtjen ajrore të Ukrainës

Sipas dy vendeve, marrëdhënia ekonomike mes BE-së dhe Kinës është e pabalancuar. Deficiti tregtar i Bashkimit Evropian me Kinën është vlerësuar në rreth 1 miliard euro në ditë gjatë vitit 2025.

Franca dhe Gjermania kërkojnë gjithashtu masa më të forta ndaj subvencioneve shtetërore, manipulimit të monedhës dhe praktikave që, sipas tyre, dëmtojnë konkurrencën e industrisë evropiane.

Dy vendet kërkojnë që BE-ja të ketë mekanizma të gatshëm për të reaguar në rast të përshkallëzimit të konfliktit tregtar me Kinën, përfshirë mundësinë e vendosjes së kundërmasave ndaj Pekinit.

Lexo më shumë  Japonia ngre aeroplanë luftarakë pasi aeroplanë të dyshuar rusë hynë në hapësirën e saj ajrore

Nisma vjen në kohën kur vendet evropiane po kërkojnë të ulin varësinë e tyre ekonomike nga Kina dhe të forcojnë kapacitetet e industrisë vendore, pa shkëputur lidhjet tregtare me ekonominë e dytë më të madhe në botë.

Rruga Press

YouTube player