(FOTO) Kryeministri Kurti përfundon takimin me ambasadorin amerikan

Kryeministri Albin Kurti ka mbajtur takim me ambasadorin amerikan në Kosovë, Jeff Hovenier.

Ambasadori Hovenier është parë duke u larguar nga ndërtesa e qeverisë. Ai nuk u pronocua për media.

Pas disa minutash u largua edhe ambasadori britanik, Nicholas Abbott pas takimit që pati me zëvendëskryeministrin Bisnik Bislimi.

Këto takime po ndodhin tri ditë pas zhvillimeve në veri të vendit.

Një ditë, të dielen, para se të hynte në fuqi vendimi për pajisje me dokumentin për hyrje-dalje të qytetarëve serb për në Kosovë, grupe të organizuara bllokuan rrugën në pjesën veriore të Kosovës, në Jarinje dhe Bërnjak.

Ndërsa Qeveria e Kosovës pas takimit me ambasadorin amerikan ka deklaruar se jep zotimin që të shtyhet zbatimi i dy vendimeve të reciprocitetit deri me datën 1 shtator 2022, nga momenti në ditën e hënë, 1 gusht 2022, kur do të hiqen të gjitha barrikadat dhe të vendoset liria e plotë e lëvizjes në të gjitha rrugët në veri të Kosovës.

Ambasadori Hovenier dje ka shkruar se të dyja këto masa janë plotësisht në përputhje me marrëveshjet e Brukselit dhe ishin në koordinim me komunitetin ndërkombëtar.

Rruga Press