Fëmijët e pasur të Kremlinit nuk e ndjejnë luftën, luks në shtetet e përbuzura nga prindërit e tyre

Ata jetojnë në një botë me avionë privatë, apartamente parizienë, pushime në resorte skish austriakë dhe shkollim në universitetet elitare të Londrës apo Nju Jorkut.

Prindërit e tyre zotërojnë prona në rrugët më të famshme të kryeqyteteve europiane. Rrjetet e tyre sociale janë të mbushura me rroba firmato dhe evente me tapet të kuq.

Po flasim për fëmijët e pasur të Kremlinit.

Ndërkohë që prindërit e tyre sulmojnë dhe përbuzin Perëndimin, fëmijët rriten në qytete perëndimore.

“Kemi të bëjmë me hipokrizi ekstreme. As nuk e shikojnë kontradiktën. Ata mendojnë se ka një rivalitet Rusi-SHBA, por kjo nuk i pengon që djemtë e vajzat t’i arsimojnë në SHBA”, tha për CNN-in profesori i Universitetit të Kalifornisë, Daniel Treisman.

Duke u bazuar në postimet e rrjeteve sociale dhe të dhënat e pronave të paluajtshme, Fondacioni Anti Korrupsion zbuloi se familjarët e Dmitry Peskovit, zëdhënësi i Kremlinit, zotërojnë automjete luksoze dhe shtëpi të shtrenjta në të gjithë botën, përfshi Francën.

Pasuria e pashpjegueshme e familjeve pranë Putinit, sipas ekspertëve, vjen nga kleptokracia.

“Kleptokracia është një qeveri e komanduar nga hajdutët, ku politikat dhe vendimet merren në interes të këtyre hajdutëve”, shprehet profesori Jodi Vittori.

Rruga Press