Edhe 7 ditë deri në fund procesit, ASK-ja u bën thirrje qytetarëve të regjistrohen

May 10, 2024May 10, 2024 User2

Kur kanë mbetur vetëm edhe 7 ditë deri në përfundim të procesit, Agjencia e Statistikave të Kosovës (ASK) u ka bërë thirrje qytetarëve që të regjistrohen.

Në thirrjen e ASK-së thuhet se regjistrimi përveç se është obligim qytetar është edhe obligim ligjor.

ASK-ja ka lutur qytetarët që ta shfrytëzojnë këtë periudhë për t’u regjistruar.

“Gjatë ditëve në vazhdim, Regjistruesi duhet t’ju kontaktojë për ta zhvilluar intervistën me Ju. Nëse nuk jeni kontaktuar deri më tani (nuk keni informatë se kush është regjistruesi/ja në zonën tuaj) luteni të kontaktoni komunën tuaj ose ASK-në”, thuhet në thirrjen e ASK-së.

Lexo më shumë Shtyrja e regjistrimit të popullsisë deri më 24 maj, ASK tregon procedurat që duhet ndjekur

Tutje thuhet se në secilën komunë është ndarë një numër telefoni për kontakt dhe se ASK-ja u ka sugjeruar komunave që numrin kontaktues ta bëjnë publik për qytetarë.

Në rast se nuk marrin ndonjë përgjigje nga komuna pas disa tentimeve, qytetarët thuhet se mund të kontaktojnë ASK-në në email apo numra të telefonit që janë publik në faqen e tyre.

Lexo më shumë Kasami: Deklarata të rrezikshme nga Ali Ahmeti, VLEN nuk është e interesuar për konflikte mes shqiptarëve

Procesi i Regjistrimit të popullsisë ka nisur më 5 prill dhe do të përfundojë më 17 maj.

Rruga Press