E turpshme/ Bashkia e Korçës: Bregovic është artist i madh, nuk e anulojmë koncertin

Pa marrë parasysh reagimet e shumta kundër koncertit të këngëtarit serbo-kroat Goran Bregovic në Korçë, Bashkia e Korçës nuk do e anuloj pjesëmarrjen e tij.

Lajmin e ka bërë të ditur për Kallxo, Benila Terova, zëvendëskryetare e Bashkisë në Korçë.

“Pjesëmarrja në Korçë është pjesë e turit ndërkombëtar të këtij artisti të madh ballkanik të përmasave ndërkombëtare”, tha ajo. Sipas saj, Festa e Birrës në Korçë është një festë masive që synon respektimin dhe promovimin e diversitetit kulturor dhe etnik.

“Bashkia e Korçës REFUZON të përfshihet në një debat që tenton të POLITIZOJË Festën e Birrës”, tha ajo.

“Festa jonë është e te gjithë shqiptarëve e me gjerë. Ne kemi synuar ta ndërkombëtarizojmë nga viti në vit festën me muzikantë e vizitorë nga çdo cep i Ballkanit dhe Europës”, tha Terova.

Në prill 2006 Bregovic ka mbajtur dy koncerte të mëdha në Pallatin e Kongreseve në Tiranë dhe është vlerësuar me Çelësin e Qytetit nga kryetari i Bashkisë të asaj kohe Edi Rama.

Në Kosovë dhe në Shqipëri, skena publike dhe qytetarë po e kundërshtojnë këtë koncert se këngët e Bregovicit kanë nxitur krimet gjatë luftës në Kosovë.

Të shumtë kanë qenë reagimet nga artistë dhe figura publike:

Unikkatil reagon për ardhjen e Bregovicit në Shqipëri: Ftesa e tij tregon nivelin e respektit që organizatori ka për torturat e vrasjet e Serbisë ndaj Kosovës

Kjo është thirrja e fundit!/ Tifozat Kuq e Zi: Kemi marrë shumë kërkesa nga anëtarët nga gjitha trevat që të ndalojmë me trupat tanë paraqitjen e Bregoviqit

Capital T anulon pjesemarrjen në Festën e Birrës/ “Nuk marrë pjesë me Bregoviçin”

Ardhja e Bregovicit në Shqipëri, Noizy: Anulojeni ose unë do nxis fansat me birra kokës, ashtu siç nxiti ai luftën në Kosovë

Dua Lipa duhet të zgjedhë mes Dua Lipës dhe Goran Bregoviçit

Rruga Press