Dy vjet nga formimi i Ushtrisë së Kosovës

December 14, 2020 user 1

Parlamenti i Kosovës me 106 vota pro dhe një abstenim, dy vjet më parë miratoi tri ligjet që e ndryshojnë mandatin e Forcës së Sigurisë së Kosovës (FSK) në ushtri të Kosovës, por pa iu ndërruar emri.

Ligjet e miratuara ishin Projektligji për Ministrinë e Mbrojtjes, Projektligji për Forcën e Sigurisë së Kosovës dhe Projektligji për shërbim në Forcën e Sigurisë së Kosovës.

Lexo më shumë Emergjencë kombëtare në portin e Durrësit! Operatorët ekonomikë listojnë dështimet e APD-së

Amendamentet e ligjeve u votuan një nga një. Deputetët serbë në Parlamentin e Kosovës nuk morën pjesë në seancë, pasi që ata ishin kundër formimit të Ushtrisë së Kosovës.

Udhëheqësit e institucioneve të Kosovës, votimin dhe miratimin e ligjeve për ushtrinë e cilësuan si “një ditë historike dhe një nga vendimet më të rëndësishme që nga shpallja e pavarësisë së Kosovës në vitin 2008”.

Lexo më shumë Plas keq te PS-ja - Rama e kërcënoi me përjashtim nga partia, Spiropali shkruan status publik: Më përjashto! Kam folur për ndarjen e partisë nga shteti