Donjeta Sadiku fiton medaljen e artë në Lojërat Mesdhetare, mposht boksieren ruse të Serbisë
Donjeta Sadiku ka fituar medaljen e artë në Lojëra Mesdhetare. Në finale e mposhti garuesen e Serbisë, Kristina Kuluhova.
Boksierja ruse që përfaqëson Serbinë u tërhoq pas lëndimit në raundin e dytë.
Kryeministri i Kosovës, Albin Kurti, ka uruar boksieren Donjeta Sadiku dhe trajneren Mariola Sallauka për medaljen e artë të fituar në Lojërat Mesdhetare “Taranto 2026”.
“Sapo morëm një lajm të jashtëzakonshëm nga Lojërat Mesdhetare ‘Taranto 2026’. Boksierja jonë, Donjeta Sadiku, ka siguruar medaljen e parë të artë për Kosovën në Lojërat Mesdhetare që po mbahen në Taranto të Italisë. Ajo ka triumfuar në finale ndaj ruses Kristina Kuluhova, e cila garoi për Serbinë. Ky është një sukses i madh për Donjetën, për ekipin tonë që ndodhet në Taranto, për boksin dhe për gjithë sportin e Kosovës. Donjetës dhe trajneres Mariola Sallauka urime për këtë fitore të madhe!” – ka shkruar Kurti në Facebook.