Bullizuesit në shkollat e Francës do të përballen deri me 10 vjet burgim, sipas ligjit të ri

Parlamenti francez kanë votuar që bullizmin në shkolla ta bëjnë vepër penale të ndëshkueshme deri në tri vjet burgim, pasi deputetët thanë se shoqërisë i nevojitej një alarm për seriozitetin e çështjes kur fëmijët targetojnë moshatarët e tyre.

Ligji i propozuar u mbështet nga ministri i Edukimit, Jean-Michel Blanquer.

Blanquer ka thënë se ligji i dërgon një mesazh të fortë shoqërisë se “ne asnjëherë nuk do të pranojmë që jetët e fëmijëve tanë të shkatërrohen”. Një në 10 fëmijë në Francë konsiderohet se janë ndikuar nga bullizmi, dhe rrjetet sociale po rrisin potencialin për ngacmim dhe poshtërim, shkruan The Guardian.

Ligji parashihet që të hyjë në fuqi në shkurt dhe e bën Francën një nga vendet me ndëshkueshmërinë më të ashpër për bullizuesit.

Krimi i ri i “bullizmit në shkolla” vlen për fëmijët dhe të rriturit në shkolla dhe universitete, që përfshinë studentë ashtu edhe stafin. Përveç dënimit me tre vjet burgim, do të ketë edhe gjobë deri në 45.000 euro. Nëse një viktimë e bullizmit në shkollë bën vetëvrasje më pas, ose tenton, dënimi maksimal mund të rritet deri në 10 vjet me 150.000 euro.

Rruga Press