Bugajski i shkruan Lajçakut: Ndaloni gjuhën e pakuptimtë, Beogradi e Moska po ju marrin për budallenj

Njohësi i çështjeve të Ballkanit Perëndimor – analisti amerikan, Janusz Bugajski i ka reaguar të dërguarit të Bashkimit Evropian, Miroslav Lajçak për dialogun Kosovë-Serbi i cili në një postim në X kishte njoftuar lidhur me takimin që ka pasur me të dërguarin e ShBA-së, Gabriel Escobar dhe tre të tjerët nga Gjermania, Franca e Italia.

Lajçak kishte shkruar se kishte pasur konsultime intensive dhe substanciale, gjersa theksoi se kanë biseduar edhe për hapat tjerë për zbatimin e marrëveshjes për normalizim e raporteve Kosovë-Serbi.

E lidhur me këtë ka reaguar njohësi i çështjeve të Ballkanit, Jonusz Bugajski i cili i kërkoi Lajçakut të ndalojnë këtë gjuhë të pakuptimtë dhe se askush nuk e beson më këtë fasadë.

“Ndaloni gjuhën e pakuptimtë dhe mendimet e dëshirueshme. Askush nuk e beson më këtë fasadë.

Beogradi dhe Moska po ju ‘luajnë’ për budallenj. Kështu dëshironi të kujtoheni kur të ndizet lufta e ardhshme ballkanike?”, shkruan në reagimin e tij Bugajski.

Rruga Press