Bruksel, vijon sot dialogu Kosovë-Serbi

Advertisement
Advertisement

Sot në Bruksel pritet të zhvillohet një takim ndërmjet shefave të delegacioneve, të Kosovës dhe atij të Serbisë në dialogun e ndërmjetësuar nga BE.

Këtë e konfirmon në Bruksel Peter Stano, zëdhënës i BE për politikë të Jashtme dhe Siguri.

“Mund të konfirmoj se ekziston ideja që të zhvillohet takimi në nivelin e kryenegociatorëve në Bruksel”, ka thënë Stano.

Ndër të tjera, zyrtari i BE është shprehur se këtë refuzim për të dhënë detaje e ka arsyetuar me fjalët se “nuk është praktikë që shumë ditë para takimit ta bëjë publike agjendën”.

Advertisement

Lexo më shumë  Rritet sërish nafta në vend, ja me sa lekë do të shitet duke nisur nga ora 18:00

Kanë kaluar gati tre muaj prej kur nuk ka pasur takime në nivelin e lartë ndërmjet Kosovës dhe Serbisë.


Ndërkaq, në nivel të shefave të delegacioneve për dialog takimi i fundit ishte zhvilluar më 29 tetor në Bruksel kur palët kishin diskutuar për pretendimet financiare dhe pronësore mes tyre.
Në BE vazhdojnë të pohojnë se qëllimi i dialogut është arritja e një marrëveshjeje gjithëpërfshirëse, përmes së cilës do të zgjidheshin të gjitha çështjet e hapura mes palëve.

Advertisement

Sipas vetë të dërguarit të Posaçëm të BE-së për dialog, Miroslav Lajçak, të gjitha marrëveshjet për temat specifike do të jenë pjesë e marrëveshjes gjithëpërfshirëse.

Lexo më shumë  Vjosa Osmani pas vdekjes së Nishanit: Model i atdhetarit të pashoq


Edhe pse Lajçaku dhe përfaqësuesi i Lartë i BE-së, Josep Borrel, kanë pohuar se dialogu po shkon mirë, diplomatët në BE pranojnë se ai është ngadalësuar dukshëm dhe për këtë, shkakun kryesor e shohin te situata e brendshme politike në Kosovë.

Advertisement