Britania do të stërvisë ukrainasit me sisteme armësh të avancuara në Poloni

Kërkesat e vazhdueshme të presidentit Zelenski kanë zënë vend në Britaninë e Madhe. Kryeministri Boris Johnson thotë se forcat ukrainase do të trajnohen në Mbretërinë e Bashkuar për sisteme të avancuara të sistemeve të armëve.

Dhjetëra ushtarë ukrainas po stërviten në Mbretërinë e Bashkuar, kështu ka deklaruar kryeministri britanik Boris Johnson i cili shtoi se ata po përdorin 120 automjete të blinduara të vendit përpara se të kthehen për të luftuar kundër forcave të Rusisë.

Kryeministri gjatë vizitës së tij në Indi, iu tha gazetarëve se forcat britanike po trajnojnë gjithashtu homologët ukrainas në Poloni për përdorimin e raketave kundërajrore.

Britania e Madhe ka dërguar të paktën 120 automjete të blinduara në Ukrainë, 80 prej të cilave janë mjete lëvizëse të mbrojtjes.

Burimet nga sekretari britanik i Mbrojtjes thonë se trajnimet për ushtarët ukrainas do të zgjasin disa javë.

Forcat britanike në Poloni po trajnojnë ushtrinë ukrainase në përdorimin e sistemit raketor të mbrojtjes ajrore dhe automjeteve nga të cilat lëshohen armët.

Zëdhënësi i kreut të qeverisë tha se Britania po ofron lloje të ndryshme pajisjesh që ndoshta ukrainasit nuk kanë pasur përvoja të mëparshme për t’u përdorur.

Kujtojmë se Kievi e në veçanti presidenti Zelenski, prej kohësh ka kërkuar sisteme të avancuara armësh, për të cilat ka thënë se ukrainasit janë në gjendje që t’i mësojnë në territorin e Ukrainës.

Rruga Press