Boris Johnson synon kreun e NATO-s

Ish-kryeministri i Britanisë së Madhe, Boris Johnson, po synon seriozisht postin e kreut të NATO-s, pasi mandati i kreut të sotëm Jens Stoltenberg ka përfunduar, dhe është shtyrë vetëm për hir të situatës në Ukrainë.

Gjatë një interviste me mediat ukrainase, Johnson ka deklaruar se “është një ide e mirë, ky plan ekziston. Mendoj se kësaj radhe do të jem me fat”, ka deklaruar Johnson.

Pengesë për të mund të ishte rregulli që përcakton se kreu i NATO-s duhet të jetë nënshtetas i Bashkimit Europian, diçka që e përjashton Britaninë e Madhe pas BREXIT-it. Por për Johnsonin kjo mund të jetë çështje që tejkalohet.

“Mendoj se jam një kandidat i shkëlqyer. Duhet thënë se tashme kemi një NATO më të fortë se kurrë, të gjallë”, ka theksuar ish-lideri konservator, duke konfirmuar zërat që kishin qarkulluar javët e kaluara.

Do të ishte hera e katërt që britanikët marrin përsipër këtë rol të rëndësishëm në arenën ndërkombëtare, por kritikët mendojnë se Johnsoni me shumë mundësi mund të hasë veton e presidentit francez Macron.

Rruga Press