Bislimi priti deputetët britanikë Vickers dhe Foster

July 4, 2025 user 1

Zëvendëskryeministri Bislimi priti në takim deputetët britanikë Martin Vickers dhe Paul Foster

Zëvendëskryeministri i parë në detyrë për Integrim Evropian, Zhvillim dhe Dialog, Besnik Bislimi, priti në takim deputetët britanikë Martin Vickers dhe Paul Foster.

Sipas njoftimit nga Kryeministria, ata biseduan mbi marrëdhëniet e fuqishme mes Kosovës dhe Mbretërisë së Bashkuar dhe mundësitë për thellimin e mëtejmë të bashkëpunimit me theks në siguri, mbrojtje dhe infrastrukturë.

Lexo më shumë ’Rama po e shet Shqipërinë!’ Këlliçi: Ndryshimi s’vjen nga qielli, të majtë e të djathtë të vijnë sot në shesh

“Zëvendëskryeministri Bislimi i njoftoi deputetët britanikë mbi zhvillimin ekonomik të vendit përgjatë mandatit qeveritar përfshirë edhe avancimin e sektorit të IT dhe sukseseve të sipërmarrësve të rinj, gjersa Kosova shënon rritjen mesatare më të madhe ekonomike në rajon në vitet e fundit”, theksohet në njoftim.

Tutje thuhet se Bislimi i falënderoi deputetët britanikë Martin Vickers dhe Paul Foster për kontributin dhe angazhimin e tyre të vazhdueshëm ndër vite për Republikën e Kosovës.

Lexo më shumë Haxhiu bën homazhe në tri fshatra të Drenasit, kërkon drejtësi për krimet e luftës

Rruga Press