Bie në sy reagimi i Blinkenit kur Biden e quajti Xi të Kinës “diktator” – vjen përgjigja nga Pekini zyrtar

Një video ka kapur reagimin e Sekretarit Amerikan të Shtetit, Antony Blinken pasi presidenti Joe Biden e quan udhëheqësin kinez Xi Jinping një “diktator”.

Gjatë një konference për shtyp në vazhdën e një takimi të krijuar për të zbutur marrëdhëniet e tensionuara SHBA-Kinë, Biden u pyet nëse i qëndronte deklaratave në qershor në të cilat ai e përshkroi Xi si një “diktator”.

“Shiko, ai është. Ai është një diktator në kuptimin që ai është një njeri që drejton një vend që është një vend komunist që bazohet në një formë qeverisjeje krejtësisht të ndryshme nga e jona”, ka thënë Biden, shkruajnë mediat e huaja.

Deklarata e Biden erdhi vetëm disa orë pasi ai u takua me Xi në margjinat e samitit të APEC në San Francisko në takimin e parë ballë për ballë mes dyshes në një vit.

Dhe Blinken dukej se ishte i befasuar, pasi kishte hedhur bazat për takimin e së mërkurës me muaj të tërë diplomacie të kujdesshme, shkruan Business Insider.

REPORTER: "Would you still refer to President Xi as a dictator?"

BIDEN: "Look, he is. He's a dictator in the sense that he's a guy who runs a country that is a communist country that's based on a form of government totally different than ours," pic.twitter.com/XSaoyUwMW5

— Moshe Schwartz (@YWNReporter) November 16, 2023

Marrëdhëniet diplomatike SHBA-Kinë janë bazuar në njohjen e politikës së “Një Kinë”, sipas së cilës Partia Komuniste Kineze është sundimtari legjitim i vendit dhe pretendimet e tyre për të zotëruar ishullin e pavarur të Tajvanit pranohen, por nuk mbështeten.

Biden në të kaluarën është shmangur nga kjo politikë, duke thënë disa herë se SHBA do të mbronte Tajvanin nëse do të sulmohej nga Kina, duke shkaktuar një kthesë nga Shtëpia e Bardhë.

Dhe sigurisht, Kina iu përgjigj komenteve të Bidenit të mërkurën.

“Kjo deklaratë është jashtëzakonisht e gabuar dhe manipulim politik i papërgjegjshëm”, u tha gazetarëve të enjten zëdhënësi i ministrisë së jashtme Mao Ning në një konferencë rutinë, raportoi Reuters.

Rruga Press