Bota

BE-ja vendos që të përdoret një model karikusi për të gjithë telefonat

Të gjithë telefonat e mençur dhe tabletët do të duhet të përdorin karikus të përbashkët të energjisë elektrike si rezultat i një marrëveshjeje të arritur të martën nga Bashkimi Evropian.

Plani i miratuar do t’i detyrojë të gjitha kompanitë, e më së shumti Apple Inc., që të prodhojë telefona, tabletë dhe kamera digjitale që do të përdorin karikus USB-C, kanë bërë të ditur negociatorët, raportoi Reuters të martën.

Plani i bërë i ditur vitin e kaluar, është aprovuar të martën dhe parashihet t’ua kursejë konsumatorëve rreth 250 milionë euro çdo vit, sipas Komisionit Evropian. Parlamenti Evropian dhe 27 vendet anëtare të BE-së duhet ta nënshkruajnë marrëveshjen.

Lexo më shumë  Raketat dhe droni bien në Poloni, Tusk takim urgjent me ministrat, drejtuesit e ushtrisë dhe inteligjencës

Prodhuesit e telefonave dhe tabletëve do të duhet të pajtohen deri në vjeshtën e vitit 2024 për këtë. Laptopët do të kenë më shumë kohë për të bërë ndryshimin, me negociatorët që u japin prodhuesve të laptopëve 40 muaj afat, pasi rregullat e reja të hyjnë në fuqi.

“Një karikus i përbashkët është një sens i përbashkët për shumë pajisje elektronike në jetën tonë të përditshme. Konsumatorët evropianë do të jenë në gjendje të përdorin një mbushës të vetëm për të gjitha pajisjet e tyre elektronike portative – një hap i rëndësishëm për të rritur komoditetin dhe për të reduktuar mbetjet”, tha në një deklaratë komisioneri i Tregut të Brendshëm, Thierry Breton.

Lexo më shumë  Alarm në Poloni pas sulmeve ruse në Ukrainë, dyshohet për shkelje të hapësirës ajrore nga objekte të paidentifikuara

Propozimi fillimisht zemëroi kompaninë Apple, e cila tha se do të reduktonte inovacionin. Por kompania aktualisht po teston modelet e ardhshme të iPhone që zëvendësojnë portën aktuale të karikimit Lightning me lidhësin më të përhapur USB-C. Modelet aktuale të laptopëve, Apple përdorin tashmë mbushësin USB-C.

Rruga Press

YouTube player

Leave a Reply

Your email address will not be published. Required fields are marked *