BE-ja mirëpret vendimin e Qeverisë së Kosovës për shtyrje, fton për heqje të barrikadave
Përfaqësuesi i lartë i BE-së për dialogun Kosovë – Serbi, Miroslav Lajçak, ka mirëpritur vendimin e Qeverisë së Kosovës për të shtyrë për një muaj reciprocitetin për letërnjoftime dhe targa me Serbinë.
Qeveria ka vendosur që të shtyjë deri më 1 shtator implementimin për reciprocitet për letërnjoftime dhe vendimin për targa, por shtyrja bëhet në momentin kur të hiqen barrikadat në veri.
BE-ja ka bërë thirrje të hiqen gjitha bllokadat menjëherë.
“Mirëpresim vendimin e Kosovës të pranojë propozimin e Josep Borrellit për shtyrje prej një muaji. BE-ja pret që gjitha bllokadat të hiqen menjëherë. Përfaqësuesi i lartë i BE-së, Borrell fton Kosovën dhe Serbinë të angazhohen në dialog për të ecur para. Falënderojmë ambasadorin e SHBA-së në Kosovë për përkrahje të fortë”, ka shkruar Lajçak në Twitter.
Rruga Press