BE-ja kërkon nga Mali i Zi të mos lejojë ndërhyrjen e kishës në politikë

Delegacioni i Bashkimit Evropian në Podgoricë ka kërkuar që kisha të mos përzihet në punët e Qeverisë, meqë bëhet fjalë për shtet laik, shkruan gazeta “Vijesti” të enjten.

Në Mal të Zi, por edhe në Serbi, kisha ortodokse ka rol të madh.

“Mali i Zi është një shtet sovran. Çështjet fetare nuk duhet të ndërhyjnë në funksionet e ekzekutivit. Ky është parimi bazë i ndarjes së kishës nga shteti në një shtet laik, siç është Mali i Zi”, thuhet në përgjigjen e delegacionit të BE-së për gazetën podgoricase.

Reagimi i BE-së vjen pasi të mërkurën, kreu i Kishës Ortodokse Serbe në Mal të Zi, Joanikije, tha se pret që politikanët fitues nga zgjedhjet e fundit parlamentare të gjejnë zgjidhje të përbashkët për këtë apo për qeverinë e re.

Qeveria në Mal të Zi është gati të rrëzohet.

Kryetare e Delegacionit të Bashkimit Evropian në Mal të Zi është Oana Kristina Popa.

Rruga Press