BBC: Ngrohja globale, rezikohen banorët e Artikut, toka po shkrihet shumë shpejt

BBC shkruan se mbi pesë milionë njerëz jetojnë në ngricën e përhershme të Arktikut, përfshirë Rusinë, Amerikën e Veriut dhe Skandinavinë.

Shtëpi të plasaritura, rrugë të shtrënguara dhe tubacionet e këputura ka të ngjarë të bëhen të zakonshme pranë Arktikut pasi temperaturat e ngrohta po shkaktojnë shkrirjen e tokës së ngrirë. BBC shkruan se mbi pesë milionë njerëz jetojnë në ngricën e përhershme të Arktikut, përfshirë Rusinë, Amerikën e Veriut dhe Skandinavinë. Ndryshimet klimatike po bëjnë që Arktiku të ngrohet dy deri në katër herë më shpejt se pjesa tjetër e planetit.

“Toka ndryshon menjëherë para nesh,” tha një banor i Alaskës.

Shkencëtarët që studiojnë Arktikun thonë se 70% e infrastrukturës dhe 30-50% e infrastrukturës kritike është në rrezik të lartë të dëmtimit deri në vitin 2050, me kosto të parashikuar prej dhjetëra miliarda dollarësh. Studimi i publikuar të martën nënvizon sërish se si ndryshimi i klimës pritet të kërcënojë jetën siç e njohim ne, si dhe botën natyrore.

“Komunitetet e Arktikut janë të gjitha të ndryshme, por të gjithë që jetojnë në permafrost janë me të vërtetë duke luftuar,” tha një tjetër banor, Kaare Sikuaq Erickson.

Permafrost ose tundra përkufizohet si tokë që është ngrirë vazhdimisht për më shumë se dy vjet. Ajo mbulon rreth një të katërtën e sipërfaqes tokësore të hemisferës veriore, duke përfshirë gjysmën e tokës së Kanadasë dhe 80% të asaj të Alaskës.

Rruga Press