Bashkimi Evropian ‘birëson’ Vuçiqin e kërcënon Kosovën
Me “pasoja serioze” është kërcënuar Kosova po që se nuk përmbush kërkesa të ndërkombëtarëve për çështjen e veriut. Këtë e ka paralajmëruar shefi i politikës së jashtme të Bashkimit Evropian, Josep Borrell, të enjten pas një takimi me presidenten e Kosovës, Vjosa Osmani, atë të Serbisë, Aleksandar Vuçiq, dhe presidentin e Francës, Emmanuel Macron, e kancelarin gjerman, Olaf Scholz.
Në një postim në Twitter, pas takimit, Borrelli ka publikuar tri kërkesat që i ka quajtur “të qarta” për Kosovën dhe Serbinë. Ai ka kërkuar zgjedhje të reja në veri, sigurimin e pjesëmarrjes së serbëve të Kosovës në to dhe nisjen e themelimit të Asociacionit të komunave me shumicë serbe.
“Dështimi për ta bërë këtë, do të ketë pasoja të rënda për marrëdhëniet tona”, ka shkruar ai.
Ky është kërcënimi i parë direkt nga BE-ja për Kosovën.
Që nga e premtja e shkuar, në veri ka pasur protesta të serbëve lokalë që kanë kundërshtuar kryetarët e rinj, për të ushtruar detyrat nga objektet komunale. Kryetarët e rinj – shqiptarë – fituan në zgjedhjet e prillit, e të cilat zgjedhje u bojkotuan nga serbët.
Në protesta është ushtruar dhunë nga protestuesit. 30 ushtarë të KFOR-it kanë pësuar lëndime.
Serbia ka ngritur gatishmërinë luftarake dhe ka afruar ushtrinë në kufi me Kosovën.
We have 3 clear requests:
— Josep Borrell Fontelles (@JosepBorrellF) June 1, 2023
– new local elections now
– ensuring the participation of Kosovo Serbs
– start the work to establish the Association of Serbian Majority Municipalities w/in EU-facilitated Dialogue
Failure to do so, will have serious consequences for our relations. pic.twitter.com/xT4n0oPymK
Rruga Press