Basha: Demokratët e braktisën Berishën, ishte dita e tij e fundit politike në Shqipëri

January 8, 2022 user 1

Pasi u tregoi gazetarëve dëmet e shkaktuara nga selia e Partisë Demokratike, Lulzim Basha tha se kjo e shtunë ishte dita e fundit politike e Sali Berishës.

“Dita e sotme ishte paralajmëruar si ditë sulmi, dhune dhe përplasje mes demokratësh nga Sali Berisha. Ishte paralajmëruar si dita e pushtimit me forcë e selisë së demokratëve. Ishte paralajmëruar si dita për të kurorëzuar aksionin e tij personal. Lajmi i mirë është fakti që shumica absolute e demokratëve nuk iu përgjigjën thirrjeve të Berishës për t’u bërë pjesë e skenarit të dhunës. E kanë braktisur siç e kanë bërë gjatë gjithë këtyre muajve”, tha Basha.

Lexo më shumë Kryeministri Kurti vendos gurthemelin e nënstacionit policor të policisë kufitare në Izvor të Zveçanit, dy kilometra nga kufiri me Serbinë

“Beteja e Sali Berishës nuk bëhet për askënd, përveç se për atë vetë, dhe ai nuk kursen askënd përveç vetes së tij. Ishte dëshpërimi i një njeriu i cili pati “de facto” ditën e tij të fundit politike në Shqipëri. Asnjë nga objektivat që i kishte vënë vetes nuk u realizua”.

Basha falënderoi edhe ata që mbështetën Berishën, “të dëshpëruar nga masakra e 25 prillit”. “Protagonistë ishin vetëm një grup i vogël, me një plan të organizuar nga Berisha. Ky është dimensioni i ndarjes përfundimtare me Sali Berishën dhe Berishizmin”.

Lexo më shumë Në Kosovë promovohet pulla postare kundër dhunës gjinore “Sot dhe çdo ditë tjetër”