“Avokati i Popullit” dënon gjuhën seksiste të Frrok Çupit: Dhuna me bazë gjinore në TV kombëtar, e papranueshme!

Advertisement
Advertisement

Institucioni i Avokatit të Popullit, ka bërë një deklaratë ku dënohet gjuha seksiste e përdorur nga Frrok Çupi, ndaj Grida Dumës, në televizionin kombëtar Top Channel.

Gjatë emisionit të Eni Vasilit, i ftuari në studio, Frrok Çupi, ka përdorur në mënyrë të përsëritur, gjuhë seksiste dhe gjuhë të urrejtjes ndaj politikanes, çka shkaktoi mjaft reagime. Avokati i Popullit e konsideron “të papranueshme” këtë sjellje në një televizion kombëtar me audiencë të lartë.

Gjuha seksiste është shprehje e maskulinitetit dhe një shprehje e dhunës me bazë gjinore. Ajo është një shkelje e të drejtave të njeriut dhe përjetohet nga gratë e vajzat vetëm për arsyen se janë të gjinisë femërore.

Institucioni i Avokatit të Popullit e quan të papranueshme sidomos përdorimin e gjuhës seksiste dhe të urrejtjes pikërisht gjatë ditëve kur shumica e vendeve anëtare të Kombeve të Bashkuara janë duke zhvilluar Fushatën e 16 Ditëve të Aktivizmit kundër dhunës me bazë gjinore, anembanë botës

Advertisement
“, thuhet ndër të tjera në deklaratën e këtij institucioni,

Lexo më shumë  PD-ja me projekt rezolutë për gjenocidin serb në Kosovë, Alibeaj e dorëzon në Kuvend

Deklarata e plotë:

AVOKATI I POPULLIT DËNON GJUHËN SEKSISTE NË MEDIA

Institucioni i Avokatit të Popullit shpreh shqetësim lidhur me respektimin e etikës gjatë një debati televiziv të transmetuar në një emision me shikueshmëri të lartë në një Televizion Kombëtar.

Institucioni i Avokatit të Popullit vlerëson se është i patolerueshëm përdorimi i gjuhës seksiste dhe fyese kundër të ftuarve që janë gra, duke i intimiduar dhe përdorur etiketime që theksojnë stereotipet gjinore në shoqëri.

Gjuha seksiste është shprehje e maskulinitetit dhe një shprehje e dhunës me bazë gjinore. Ajo është një shkelje e të drejtave të njeriut dhe përjetohet nga gratë e vajzat vetëm për arsyen se janë të gjinisë femërore.

Gratë që sfidojnë ose devijojnë nga ajo që vlerësohet si vendi i tyre “i duhur” në shoqëri, mund të përballen me seksizëm dhe misogjeni dhe kjo është ajo çka u vu re gjatë debatit televiziv.

Advertisement

Institucioni i Avokatit të Popullit e quan të papranueshme sidomos përdorimin e gjuhës seksiste dhe të urrejtjes pikërisht gjatë ditëve kur shumica e vendeve anëtare të Kombeve të Bashkuara janë duke zhvilluar Fushatën e 16 Ditëve të Aktivizmit kundër dhunës me bazë gjinore, anembanë botës.

Lexo më shumë  Përfundon votimi në Bujanoc, përplasen komisionerët serbë dhe shqiptarë

Avokati I Popullit ka bindjen se barazia gjinore është thelbësore për mbrojtjen e të drejtave të njeriut, funksionimin e demokracisë dhe qeverisjen e mirë, respektimin e sundimit të ligjit dhe promovimin e mirëqenies për të gjithë, që ngërthen në vete të drejta të barabarta për gratë dhe burrat, vajzat dhe djemtë, si dhe të njëjtin vizibilitet, fuqizim, përgjegjësi dhe pjesëmarrje në të gjitha sferat e jetës publike dhe private.

Institucioni i Avokatit të Popullit bën thirrje të merren masa për ta parandaluar dhe luftuar seksizmin dhe manifestimet e tij në sferat publike dhe private, të luftohet gjuha e urrejtjes për shkak të gjinisë apo për çfarëdo shkaku tjetër, si dhe të sigurohet mbrojtja e respektimi i të drejtave të grave e vajzave në shoqërinë tonë.

Advertisement