Artisti 70 vjeçar që krijon mobilje si në përralla
Henk një zdrukthëtar nga Zelanda e Re, është pothuajse 70-vjeç, por gjithmonë i ka pëlqyer të bëjë mobilje me karakteristika unike dhe të veçanta. Ndërsa në shikim të parë mund të mendoni se ato janë të prishura ose se kanë dalë drejtpërdrejt nga një përrallë.
Këto pjesë janë plotësisht funksionale dhe të metat e tyre janë detaje të vogla, që i kthejnë këto objekte në diçka vërtet të mahnitshme e që ngjason me botën magjike të përrallave, transmeton Bright Side përcjellë Demokracia.
Për aq kohë sa ai mund të mbajë mend, Henk ka bërë mobilje. Por çuditërisht, askush nuk e mësoi me të vërtetë se si t’i shndërrojë idetë e tij në pjesë të bukura arti, dhe ai pretendon se mësuesi i tij. Dhe këto ditë, ai ndoshta ka bërë aq shumë pjesë sa është e vështirë të mbash shënim se cila ishte e para nga të gjitha, por frymëzimi për të bërë vepra fantastike të artit erdhi pas një tërmeti që ndodhi në qytetin e Christchurch, të Zelandës së Re.
Për të krijuar një nga këto pjesë mobiljesh, Henk investon rreth 80 deri në 100 orë punë dhe gjithçka bëhet me dorë. “E pyeta babanë nëse kishte ndonjë plan për mobiljet, dhe ai shkoi në punëtorinë e tij dhe u kthye me një vizatim në një fletë letre,” tha vajza e tij.
Nëse një gjë është e qartë, është se ky artist ka duar magjike. E tëra që i duhet është pak dru dhe ta lërë imagjinatën e tij, për të krijuar një kryevepër të vërtetë. “Unë e tërheq idenë time në një copë kompensatë dhe kjo bëhet pjesë mbështetëse,” shpjegoi Henk.
Sa i përket planeve të ardhshme të Henk, ai nuk po mendon të hapë një dyqan, pasi preferon t’i mbajë gjërat të thjeshta: është vetëm ai, druri dhe garazhi i tij. Ai mendon të kaloj kohën e lirë me familjen e tij.
