ARRSH bllokon qarkullimin në autostradën Tiranë-Durrës në kulmin e sezonit veror

August 5, 2026 user 1

Në kulmin e sezonit veror dhe në një nga periudhat me fluksin më të lartë të lëvizjeve, Autoriteti Rrugor Shqiptar ka njoftuar bllokimin e përkohshëm të qarkullimit në autostradën Tiranë-Durrës.

Kufizimi do të zbatohet gjatë netëve të 6 dhe 7 gushtit, për shkak të punimeve për ndërtimin e mbikalimit të ri të Kasharit, ndërsa drejtuesit e mjeteve do të duhet të ndjekin itinerare alternative.

Lexo më shumë 534 shkencëtarë nga 32 vende/ Peticion ndërkombëtar shkencor për ruajtjen e deltës së Vjosës

Autoriteti Rrugor Shqiptar njofton se bllokimi do të zbatohet nga ora 00:00 deri në 04:30, periudhë gjatë së cilës do të realizohet montimi i trarëve metalikë të mbikalimit.

Ndërprerja e qarkullimit do të prekë dy korsitë në drejtimin Durrës–Tiranë. Për të shmangur vështirësitë në lëvizje, automjetet që udhëtojnë drejt Tiranës, Aeroportit Ndërkombëtar “Nënë Tereza” dhe Kosovës do të devijohen përmes rampave të autostradës Thumanë–Kashar.

Lexo më shumë Si sot para 11 viteve, me presionin e Thaçit u votua formimi i Gjykatës Speciale dhe u votua kundër mocionit për krimet e Serbisë në Kosovë

Rruga Press