Arrestimet në MPB për keqpërdorime, reagon ministri Sveçla

July 3, 2023 User2

Ministri i Brendshëm i Kosovës, Xhelal Sveçla, ka reaguar pas arrestimeve të tre zyrtarëve të ministrisë të cilën e drejton ai, për keqpërdorime të detyrës dhe ryshfet në lidhje me procedura tenderuese.

Sveçla ka thënë se asnjëri nuk do të jetë mbi ligjin, dhe cilido që ka vepruar në kundërshtim do të përballet me drejtësinë.

Lexo më shumë Legjenda e boksit Luan Krasniqi bën thirrje për regjistrimin e mërgatës: Albin Kurti punon dhe vepron për popullin e vet, ndërsa koha do t’i tregojë të gjitha

“Krimet ekonomike të Policisë së Kosovës kanë zhvilluar sot aksion në Ministrinë e Punëve Brendshme, saktësisht në Departamentin e Prokurimit. Me këtë rast, janë arrestuar tre zyrtarë të Ministrisë si dhe pronari së bashku me një punëtor të një kompanie ndërtimi, katër prej të cilëve sipas njoftimit zyrtar të Policisë janë ndaluar për 48 orë. Tashmë e kemi dëshmuar por ritheksoj se askush nuk do të jetë mbi ligjin. Kushdo që ka vepruar në çfarëdo forme në kundërshtim me ligjin, do të ballafaqohet me drejtësinë”, ka shkruar Sveçla në Facebook.

Lexo më shumë Instituti prestigjioz OSW ngre alarmin: Qeveria Rama po dëmton drejtësinë dhe po largon Shqipërinë nga BE-ja

Rruga Press