Arratisja e Sekiraqës, kryeministri Kurti: Skandal i sistemit gjyqësor

Kryeministri i Kosovës, Albin Kurti, ka reaguar pas arratisjes së Enver Sekiraqës, i dënuar për vrasjen e ish-policit, Triumf Riza. Kurti, arratisjen e Sekiraqës e ka quajtur skandal të sistemit gjyqësor në vend, andaj reformën në drejtësi e sheh si urgjencë. 

“Në javën që po e lemë pas, kuptuam që njëri nga personat më famkeq në botën e krimit i cili u dënua për vrasjen e policit, Triumf Rizës është arratisur. Arratisja e personit përgjegjës, Enver Sekiraqa është dështim i sistemit tonë gjyqësor. Qeveria e Kosovës angazhohet për çdo ditë për të përfshirë të gjithë qytetarët. Vendosja e rendit dhe ligjit është kusht i domosdoshëm për arritjen e këtij qëllimi. Reforma në drejtësi që dikur ishte nevojë tash është urgjencë”, ka thënë ai në mbledhjen e Qeverisë.

Kurti ka theksuar se të gjithë ata që e kanë njohur Triumfin e përshkruajnë njëzëri si profesionit të pashoq, i shkathtë në detyrë e shumë njerëzor me qytetarët, transmeton rtk.“Triumfin e kam takuar edhe unë dhe e kam po këtë përshtypje. Arratisja e personit përgjegjës për vrasjen e tij, Enever Sekriaqës është dështim i sistemit tonë gjyqësor, që vazhdon të arratiset vet nga drejtësia”, ka deklaruar Kurti.

Rruga Press