Ardhja e forcave shtesë britanike në Kosovë u bë pas një “kërkese urgjente nga NATO”

October 2, 2023 User2

Rreth 200 ushtarë nga Batalioni i Parë i Regjimentit Mbretëror të Princeshës së Uellsit, pritet të vijnë në Kosovë, në kuadër të misionit paqeruajtës të KFOR-it.

Kjo vjen pas sulmit terrorist ndaj Policisë së Kosovës në veri të Kosovës më 24 shtator dhe rritjes së tensioneve në rajon.

Sekretari i Shtetit për Mbrojtjen në Britani të Madhe, Rt Hon Grant Shapps, ka folur për situatën në Kosovë, duke thënë se shtimi i forcave britanike në Kosovë vjen pas një kërkese urgjente nga NATO.

Lexo më shumë DOSJA/ Gjyqtarja Pajtime Fetahu kërkoi nga bandat të goditej gazetari Saimir Kodra pasi ai ka denoncuar lidhjet e gjyqtares me krimin

“Pas një kërkese urgjente nga NATO, kam autorizuar aktivizimin e një batalioni të ushtarëve britanikë për të ruajtur paqen në Kosovë”, ka shkruar Grant Shapps.

“Në ditët në vijim, qindra ushtarë dhe gra do të vendosen për të garantuar sigurinë dhe lirinë e të gjithëve në Kosovë dhe unë. e dinë se do ta bëjnë Mbretërinë e Bashkuar krenare”, ka deklaruar Grant Shapps, ka vijuar ai.

Sipas NATO-s, “përforcime të mëtejshme do të pasojnë edhe nga aleatët e tjerë”.

“Ky është një hap i kujdesshëm për të siguruar që KFOR-i ka forcat dhe aftësitë që i nevojiten për të përmbushur mandatin e tij të OKB-së: të mbajë një mjedis të sigurt dhe lirinë e lëvizjes për të gjithë njerëzit në Kosovë. KFOR-i do të vazhdojë të veprojë në mënyrë të paanshme për të mirën e sigurisë në Kosovë dhe rajon”, vijon përgjigja.

Lexo më shumë Murati për subvencionimin e tarifave të energjisë: Plotësoni numërin e saktë të pjestarëve të familjes

NATO i ka bërë thirrje të dy palëve që të riangazhohen në dialogun e lehtësuar nga BE-ja, i cili sipas tyre është mënyra e vetme për të arritur paqen dhe stabilitetin e qëndrueshëm për të gjitha komunitetet.

Rruga Press