Ambasadori i BE-së në Kosovë: I lumtur që Kosova ka miratuar ligje të rëndësishme për procesin e integrimit evropian
Ambasadori i Bashkimit Evropian në Kosovë, Tomas Szunyog, është shprehur i lumtur që në dy javët e fundit në Kosovë janë miratuar disa ligje që siç ka thënë, janë të rëndësishme për procesin e integrimit evropian.
Këtu ai ka përmendur Ligjin për Agjencinë për Parandalimin e Korrupsionit, Ligjin e ri për Deklarimin e Pasurisë dhe Kodin e ri për Procedurën Penale.
Në një postim në Twitter, Szunyog ka thënë se miratimi i këtyre ligjeve paraqet një hap kyç legjislativ në garantimin e sundimit të ligjit dhe luftimin e krimit të organizuar dhe korrupsionit.
“Më vjen mirë që gjatë 2 javëve të fundit Kuvendi i Kosovës ka miratuar disa ligje që janë të rëndësishme për procesin e integrimit evropian, përfshirë këtu Ligjin për Agjencinë për Parandalimin e Korrupsionit, Ligjin e ri për Deklarimin e Pasurisë dhe Kodin e ri për Procedurën Penale”.
“Miratimi i këtyre ligjeve paraqet një hap kyç legjislativ në garantimin e sundimit të ligjit dhe luftimin e krimit të organizuar dhe korrupsionit, dhe ato janë gjithashtu pjesë e Agjendës së Reformës Evropiane II”, ka shkruar ambasadori.
Tutje, ka thënë se BE-ja do të vazhdojë të mbështesë forcimin e sundimit të ligjit në Kosovë dhe punën e Agjencisë për Parandalimin e Korrupsionit.
Glad to see that over the last 2 weeks, the Assembly of Kosovo 🇽🇰 adopted several laws that are important for the European 🇪🇺 integration process, incl. the Law on Agency for Prevention of Corruption, the new Law on Asset Declaration, and the new Code on Criminal Procedure. (1/3)
— Ambassador Tomáš Szunyog (@EUAmbKS) July 14, 2022
The 🇪🇺 will continue supporting the strengthening of the rule of law in #Kosovo, and the work of the Agency for the Prevention of Corruption. (3/3)
— Ambassador Tomáš Szunyog (@EUAmbKS) July 14, 2022
Kuvendi i Kosovës sot ka miratuar në parim Projektligjin për Byronë Shtetërore për Verifikimin dhe Konfiskimin e Pasurisë së Pajustifikueshme, me 58 vota për dhe 3 abstenime, ndërsa me këtë rast ministrja e Drejtësisë, Albulena Haxhiu theksoi se rekomandimet e Komisionit të Venecias do të adresohen të gjitha pranë grupit punues të Komisionit për Legjislacion.
Gjithashtu, në seancën e sotme të Kuvendit të Kosovës, me shumicë të votave të deputetëve u votua në lexim të dytë edhe Projektligji për Deklarimin, Prejardhjen dhe Kontrollin e Pasurisë dhe të Dhuratave.
Ministria e Drejtësisë ka njoftuar se Projektligji për Deklarimin, Prejardhjen dhe Kontrollin e Pasurisë dhe të Dhuratave ka për qëllim përcaktimin më të qartë të procedurave të deklarimit të pasurisë, ri klasifikimi i pozitave që duhet të deklarojnë pasurinë, jo vetëm nga cilësimi i pozitave të larta publike, por edhe nga cilësimi i secilës pozitë ku ka potencial për abuzim, keqpërdorim të parasë publike dhe konflikt të interesit.
Përveç të tjerave sot mori mbështetjen e deputetëve të Kuvendit të Republikës së Kosovës edhe projekt-kodi i Procedurës Penale.
Rruga Press