Ambasadori Guerot: Liberalizimi i vizave falë masave të marra nga Qeveria e Kosovës
Ambasadori i Francës në Kosovë, Olivier Guerot, ka thënë se liberalizimi i vizave për Kosovën është një rezultat shumë i bukur për qytetarët që ka ardhur falë “masave të marra nga Qeveria e Kosovës”.
“Pikërisht shkaku i masave të marra nga Qeveria e Kosovës, presidenti Emmanuel Macron u pajtua për liberalizim të vizave verën e kaluar”, ka shkruar Guerot.
Kosova sot ka kaluar pengesën e fundit për liberalizimin e vizave. Nesër bëhet nënshkrimi zyrtar, ndërsa nga 1 janari i vitit 2024 qytetarët e Kosovës mund të udhëtojnë pa viza.
Qeveria e Kosovës ka marrë meritat për liberalizimin.
“Falë punës së Qeverisë sidomos në fushën e sundimit të ligjit, luftës kundër korrupsionit e menaxhimit të migrimit u arrit zhbllokimi i procesit dhe bindja e institucioneve të BE-së dhe vendeve anëtare se Kosova meriton përfundimin e procesit të liberalizimit të vizave dhe se vendi ka bërë progres e arritje të rëndësishme në fushat relevante. Pas një pritjeje të gjatë, ky është një moment kyç i përafrimit të vendit tonë me familjen evropiane”, thuhet në komunikatën drejtuar mediave.
#VisaLiberalization Très beau résultat pour les citoyens 🇽🇰grâce aux mesures prises par le gouvernement du Kosovo.
— Ambassadeur Olivier Guerot (@Olivier_Guerot) April 18, 2023
C’est sur la base de ce travail que le PR Macron 🇨🇵 avait fait part de notre accord l’été dernier. pic.twitter.com/sPO0Y55bVZ
Rruga Press