Ambasadori amerikan në Moskë: Rusia thotë se s’do luftë, por vendos trupat në kufi

January 28, 2022 user 1

Rusia thotë se nuk dëshiron luftë, por ka vënë një “armë në tryezë” në negociatat e saj me Shtetet e Bashkuara, duke mbledhur trupa në kufirin e Ukrainës, tha sot ambasadori amerikan në Moskë, John Sullivan.

Duke folur me gazetarët përmes video-konferencës, Sullivan e quajti dislokimin e dhjetëra mijëra ushtarëve rusë “të pazakontë” dhe tha se nuk mund të shpjegohej si “stërvitje e zakonshme ushtarake”.

Lexo më shumë Maqedonci: Serbia si Rusia, ka 48 baza ushtarake pranë kufirit me Kosovën

“Nëse vendos një armë në tavolinë dhe them se po vij paqësisht, kjo është kërcënuese”, u tha Sullivan gazetarëve. “Dhe kjo është ajo që ne shohim tani”, shtoi ai.

“Ne shpresojmë që qeveria ruse të kuptojë atë që thotë dhe të mos planifikojë të pushtojë më tej Ukrainën. Por faktet tregojnë se ka aftësinë për ta bërë këtë,” tha ai.

Lexo më shumë BIRN ‘zbërthen’ Ergys Agasin: Nga zyrtar ministrie në biznesmen me pasuri marramendëse, si u bë ‘koordinator’ me ndikim në majat e pushtetit

Sullivan tha se Uashingtoni po pret tani përgjigjen e Rusisë ndaj dokumenteve të SHBA-së dhe NATO-s që përshkruan një mënyrë diplomatike për të dalë nga kriza e Ukrainës dhe i bëri thirrje Rusisë që të tërheqë trupat e saj nga kufiri ukrainas.

Rruga Press