Aeroplanët RAF Typhoon kapin bombarduesit rusë duke fluturuar në veri të Skocisë

Aeroplanët RAF Typhoon kapën bombarduesit rusë duke fluturuar në veri të Skocisë në orët e para të mëngjesit të së hënës, ka thënë qeveria e Mbretërisë së Bashkuar.

Aeroplanët luftarakë Typhoon u ngritën në ajër për t’i ndërprerë misionin dy aeroplanëve bombardues rusë patrullues detar me rreze të gjatë veprimi teksa kalonin tranzit pranë ishujve Shetland brenda zonës së mbikëqyrjes ajrore veriore, shtoi qeveria britanike.

Aeroplanët e reagimit të shpejtë të Mbretërisë së Bashkuar (QRA) u nisën nga RAF Lossiemouth në verilindje të Skocisë ndërsa dy bombarduesit rusë u monitoruan në hapësirën ajrore ndërkombëtare ndërsa fluturonin në veri të Britanisë së Madhe.

Ministri për Forcat e Armatosura, James Heappey, tha se “ekuipazhet e RAF në Lossiemouth vazhdimisht e vëzhgojnë hapësirën ajrore të Mbretërisë së Bashkuar dhe janë gjithmonë të gatshëm të ndërmarrin veprime për të mbajtur vendin tonë të sigurt”.

Piloti kryesor i RAF Typhoon, emrit i të cilit nuk u zbulua nga Ministria e Mbrojtjes, shtoi se “është vërtet e kënaqshme të dimë se kemi qenë në gjendje të bëjmë një përgjim të suksesshëm, duke ruajtur integritetin e hapësirës ajrore të Mbretërisë së Bashkuar dhe NATO-s”.

Pilotët e Mbretërisë së Bashkuar nga RAF Lossiemouth kohët e fundit përfunduan një dislokim katër mujor për të udhëhequr misionin e policisë ajrore të NATO-s në Estoni, ku ata kapën 50 aeroplanë rusë dhe fluturuan më shumë se 500 orë.

Rruga Press